Filosofia, finamira

L’uniun CULTURA Vuorz/Waltensburg ha la finamira da realisar concerts, prelecziuns, exposiziuns, matinees ed auters arranschaments culturals.

Nus lessen baghegiar punts entras art e cultura e possibilitar sentupadas. Nus havein l’intenziun da porscher ina plattaforma a persunas che lavuren sil camp cultural ed aschia enrihir la veta culturala ella Surselva.

CULTURA Vuorz/Waltensburg porscha in program fetg variont che vegn presentaus da musicists, artists e scripturs.

Per nossas occurrenzas statten localitads extraordinarias a disposiziun: per l’ina presenta la baselgia da Vuorz cun sias frescas ord il 14avel tschentaner in dils pli bials ed impressiunonts loghens sacrals ella Surselva. Cheu han liug ils concerts sut il tetel „Waltensburger Meisterkonzerte“.

Per l‘autra porscha il hotel Ucliva cun sia emperneivla atmosfera localitads per arranschaments culturals: ella lounge sper il tgamin, ella stanza da seminars, el curtgin ni era ell’ustria. Auters locals sesanflan ella casa da scola ni el casti da Munt s. Gieri.

Plinavon exponen adina puspei differents artists lur ovras el hotel Ucliva e mintga 3 tochen 4 meins dat ei novas exposiziuns.

Che quei seigi prelecziuns, presentaziuns da films, matinees, rock, pop ni musica populara, naven da concerts classics tochen concerts da jazz: ins sa experimentar dabia!

Il bi vitg da Vuorz ella Surselva/Grischun envida en tuts cordialmein!