Benedetto Vigne / Gion Fry

Benedetto Vigne: Ils ventganov da settember (EDIZIUN APART 2018)

«Las chaussas n’èn betg adina sco ch’i paran.» Gian Pellegrini sto adina puspè udir questa frasa. Il quarantard è sin fugia, a cha sia ha el sturnì ses vischin en l’affect. Sin via en ina terra lontana entaupa el curiusas aventuras, el vegn confruntà cun filosofias, cun amurettas, cun cuntradas. Ma tge ha il raquint lateral, in di en la vita d’in pubertar, da far cun el? In roman plain tensiun e sensualitad, plain magia e poesia.

Benedetto Vigne, naschì 1951 en Italia, creschì a Salouf/Surses, 1972 matura A a Mustér, dapi 1973 sesent a Turitg. Autur, schurnalist e rockadur. È stà blers onns collavuratur dal Tages Anzeiger, Turitg, e da 1990 fin 2018 redactur da musica tar RTR a Cuira. Ha co-fundà ils Dis da Litteratura a Domat, sesa en la suprastanza da l’Uniun per la Litteratura Rumantscha ULR ed è coredactur da la revista «Litteratura». Ha publitgà divers portatuns sco chantautur e trais cudeschs litterars («Istorgias da Trantertemp» 2006, «diari giapunais» 2016, «Ils ventganov da settember» 2018). El è er stà translatur e producent da l’album «Lain fabular - ils Beatles per Rumantsch» (2005).

Gion Fry, naschì 1970 a Mustér, lavura dapi passa 20 onns sco «graphic designer». Suenter la scolaziun grafica a Basilea e divers jobs en chaussa ha el fundà a Turitg sia atgna agentura per communicaziun e publicitad, la quala charrescha dapi 2009 sut il num Fry & Partner. Dasperas ha Gion Fry lantschà la pitschna chasa editura EDIZIUN APART che tgira surtut litteratura rumantscha. «Gioni» è però er musicist passiunà, anc a Mustér era el la vusch da la gruppa Ba-Rock, a Turitg maina el gia daditg sco chantautur il duo SIAT. Era ha el participà a divers projects musicals sco «Prisas-